港人網購口罩之日常

今日有無見到成功登記嘅袋仔？我就無，但老公有。即刻讚佢「好叻呀！」可以用正常價格買到外科口罩（甚至係廁紙），仿似是一種偉大成就，已成為近來香港人生活之日常。

▲ 幾十萬人齊齊上網排隊

▲ 成功登記令人好似中獎咁開心

屈臣氏Facebook話「最高峰輪候人數高達149萬人次」。見到有不少人動用家中所有電子裝置，一人操作多機去輪候登記，這讓我想起了iPhone炒賣熱潮的時候。

幾天前，我們也託朋友買了有生以來最昂貴的一盒兒童口罩，50個$280，平均每個$5.6，聽說已算是便宜。

我和小兒從1月26日至今20日裡，只曾出街30分鐘，用了一大一小兩個口罩。「使唔使驚成咁？」實情是因為小兒本身的壞習慣，經常用手指篤入眼角「撩」眼，屢勸不改，手上的細菌都直送入眼，過往已曾多次眼睛發炎，經常生病，所以近來就更加寧願他留在家中。