by 最近見到有人談論這一款名為Valk的扭計骰，同系列之中還有一款mini版，以Mats Valk在2016年打破世界紀錄的成績4.74秒為基礎，造出一款4.74厘米立方的扭計骰。
話就話買俾阿仔玩，其實係我自己想玩，所以一大一小兩種尺寸都買了。Valk Power 售價 RMB 98。比較了幾家香港店舖的售價，還是上淘寶買最划算。有一家淘寶商戶以 RMB 150 出售 3 顆 Valk mini，平均每一顆 RMB 50（其他店都在賣 RMB 68）。多出來的 mini 轉讓給同事，她說女兒試玩過後好鍾意。
拆開 Valk 3 Power 扭啊扭，嘩！真係好順手！以前在反斗城買的 Rubik’s Cube 完全無得比！以我的慢速，只用了 2 分鐘就完成，開心到跳起！證明有一粒轉得順嘅扭計骰，真係好緊要！
Valk 3 mini 都一樣轉得好順，細細粒，更加適合小朋友玩。
