by 用咗 ZA Card 差不多一個月。推廣期內，網上訂餐，買電子書，eShop買遊戲，App Store買App，全部網上消費回贈6%，真係幾著數！零售拍卡簽賬又有抽獎，我抽中過回贈49.9%！可惜那次只是超市購物$50，回贈了$25，可惜呀！
大鄉里第一次用 Debit Card
初初唔係好明 ZA Card 點運作，用用吓就明白了：當係一般VISA卡咁用，只係簽賬時佢會即時從自己的ZA Bank戶口扣錢，所以用ZA Card付款之前，要確定自己的ZA Bank戶口裡面有足夠的錢；如不夠錢，就要先從其他銀行戶口過數入去。我暫時只試過從匯豐戶口過數，跟足ZA程式指示做設定，都好容易。
落車前上網落單買早餐
上半個月最得最多嘅係早上搭巴士的時候，落車前，用餐飲商戶的App網上落單買早餐，用 Apple Pay 付款（已將 ZA Card 加入 Apple Pay），回贈6%。每日早餐慳多一兩蚊，一個月慳夠$27就可以買多一本Kobo特價電子書，讚！
講開又講，麥記App最近終於廢除咗「到餐廳簽到付款」，改為可以隨時揀分店網上落單，唔使再袋住張 QR code 喺巴士上嘟（同事教落，喺巴士上都可以「扮-已經到咗餐廳」簽到付款）。
超市購物拍卡付款可抽獎
去超市、759 買嘢，我會同店員講用 payWave 付款，然後用已加入 iPhone Wallet 的 ZA Card 拍卡付款。每次付款後就會收到 ZA 訊息提示，獲得一次抽獎機會。打開 ZA Bank 程式，抽獎睇吓會有幾多%回贈。回贈唔會即時變錢，而係變成 ZA Coin。每 100 個 ZA Coin 就可以換 $1 港元，入返 ZA Bank 戶口，例如我積存了 10,000 個 ZA Coin（如圖）就可以換返等值 $100 港元，即時入落 ZA Bank 戶口。
我只試過超市購物 $50 回贈 $25，但聽見有朋友試過用 ZA Card 買嘢簽賬 $4,000 回贈 $2,000！Wow！我都好想買貴嘢嘅時候抽中 50% 回贈，可惜暫時未試過。
按此申請 ZA Bank 戶口 或在 ZA Bank App 申請時輸入邀請碼「JG5654」。要先開戶口，然後才可申請 ZA Card。
平玩《魔物獵人 崛起》
近日最紅嘅遊戲，當然係 Monster Hunter Rise《魔物獵人 崛起》。我去eShop買，正價$468，eShop本身回贈點數234即係平咗 $23.4，用 ZA Card 付款回贈 6% 再平 $28，即係 $416 就買到呢個遊戲。買電子版嘅好處係可以兩部機 share 一齊玩，只係解除綁定後的主機必須連線上網才可啟動遊戲。我部 Switch 唔會帶出街玩，屋企有 WiFi，隨時連線，其實無咩所謂。
去 Kobo.com 買電子書
另一種我用得最多的網上簽賬，就係上Kobo.com買電子書。每本回贈兩三蚊，變相即係買10送1。買書習慣沒有改變，但可以比前儲多咗一份買書嘅錢。
無法購買 Kindle 電子書
偶然我會去Amazon碰一下運氣，睇睇有無Kindle特價英文書，好似早前1月的時候，《迷霧之子》作者 Brandon Sanderson 寫的新書 Skyward（中譯《天防者》），不知何故英文原作Kindle版減價到 USD 1.12（港元 8.82）！即刻買咗先講！
可惜近日試咗兩次用ZA Card在Amazon付款買Kindle電子書都不成功，最後只能用返其他信用卡。雖然我在Amazon成功登記ZA Card作為付款卡，登記時Amazon系統顯示一切正常，但最後無論以HKD還是USD結算付款，Amazon都說無法過數，只能稍後再試了。還有一個有趣的體驗：Amazon唯恐我收不到Email通知，所以在我的Kindle App內「送了一本書」給我，打開來看，內容就是「你的信用卡出了問題」云云。
Alipay暫不支援預付卡
有些商戶接受 Alipay 付款卻沒有 payWave 系統，所以就嘗試在 Alipay 加入 ZA Card 作為付款信用卡，但 Alipay 卻說「暫不支持附屬卡或預付卡 ( debit card ) 」。這樣也好，清楚說明暫不支援，用不到也好歹知道原因。
點解唔用 Livi Bank？
朋友見我用 ZA Card 經常有回贈，問我有無用 Livi Bank。就咁睇 Livi Bank 網上簽賬回贈 8% 確係著數啲，但係 Livi Bank 條款及細則 (PDF) 明確列出「透過 Apple Pay 或 Google Pay 進行之感應式付款交易」屬於不合格簽賬，所以我暫時未有申請 Livi Bank 戶口。遲點再研究。
按此申請 ZA Bank 戶口 或在 ZA Bank App 申請時輸入邀請碼「JG5654」。要先開戶口，然後才可申請 ZA Card。
